Opisyal nga ginlunsar sang Department of Transportation,Land Transportation Franchising and Regulatory Board upod sa pamunuan sang Vallacar Transit Incorporated ang Automated Fare Collection System ukon AFCS sa mga bus sa North Terminal sa Bacolod kaina sang aga.
Ang AFCS isa ka sistema kun diin indi na kinahanglan pa sang mga pasahero kag konduktor sang bus nga magdaw anay sang plete.
Ini ang nahauna nga ginpatuman sa Western Visayas particular sa napulo ka bus sang VTI nga nagabyahe Bacolod-Victorias.
Paagi sa libre nga AFCS card nga ginahatag sa terminal nagapati ang tagdumalahan sang bus company nga mapaiway ang masami pagNILALISAY SANG KONDUKTOR KAG PASAHERO PATI NA ANG holdapanay kag paglatnanay sang covid 19 sa bus.
Nagpain na sang P5 bilyones nga pondo ang LTFRB para sa igapatuman nga cashless transaction system sa mga pampubliko nga salakyan,nalakip diri mga bus, taxi kag jeep.
Ini bisan pa may pila man ka katapo sang transport group ang nagpabutyag sang pagpamatuk bangud sang kabudlayan sa pagbakal kag pag install sang mga equipment nga ginakinahanglan para sa modernization program sang gobyerno.