Car-free Sundays ang iga-extend sa duha pa ka bulan. Ginaplano nga isaylo sa iban pa nga areas ipatuman ang temporary road closure para sa amo nga programa sang siudad.
Duha pa ka bulan nga extension para sa Car Free Sundays sa dalan Lacson ang ginaduso ni Mayor Albee Benitez samtang pending pa ang approval sang konseho angut sa amo nga ordinansa.
Ginpahayag ni Secretary to the Mayor Atty. Karol Joseph Chiu, nga magluwas sa dalan Lacson ginaplano nga ipatuman sa iban nga areas ang temporary road closure para sa ginapatuman nga car free sunday sang Bacolod.
Kada dominggo ginapatuman ang road closure halin sa bangga Ramos asta sa South Capitol Road para matagaan kahigayunan ang mga fitness enthusiasts nga maka walking kag running.
Sarang man mag-bike kag magdala sang ila pets ang nagabuylog sa Car- free Sunday nga naga sugod halin 4am asta 8am.
Ang Car-free Sundays kabahin sang pagpasanyug sang programa sang Bacolod LGU bahin sa environmental protection kag healthy lifestyle.