Ginsiling ni Police Capt. Leonel Adolacion, hepe sang Candoni PNP nga may ginasundan na sila nga lead sa kaso sang 13-anyos nga dalagita nga nasapwan patay sa sulod sang kampo sa Sitio Lawagon, Barangay Poblacion West sa banwa sang Candoni Lunes sang gab-i.
Indi pa mapalayag sang kapulisan ang kabug-usan nga detalye bangud padayon pa ang follow-up investigation agud mapasabat ang may kahimu-an sang krimen.
Sa karon, ginahulat pa man ang resulta sang autopsy nga ginpatigayon sang Provincial Forensic Unit sa bangkay sang biktima.
Abril 26 sang nadula ang biktima matapos nga ginsugo nga magbakal sang ice sa tiangge sa Purok Pag-ulinganan, Barangay Haba sa Candoni.
Pagkasunod nga gab-i, nasapwan ang bangkay sang biktima sa sulod sang katubohan. May pilas ini sa ulo.*
[sibwp_form id=1]