Pito ka mga banwa kag siudad sa Negros Occidental karon napaidalom sa alert level one sumugod mayo uno tubtob Mayo 15.
Ang banwa sang Candoni karon ang napaidalom sa alert level one.
Sa IATF Resolution 167-a nga gin pa gwa sini lamang, kalakip ang banwa sang Candoni, nagapabilin man sa alert level one ang siudad sang Victorias, La Carlota, Sagay kag mga banwa sang Pulupandan, San Enrique kag EB Magalona. Ini ang labing gina abi-abi naman ni Governor Eugenio Jose Lacson karon nga suno sa iya nag ayo naman gid ang vaccination program sang probinsya.
71 percent sa target ang nabakunahan na. Padayon nga manubo ang Covid–19 cases sa probinsya.
Sa April 28 nga report sang Provincial Incident Management Team, 11 ang active cases sa Negros Occidental kag 22 sa 31 naman ka mga banwa kag siudad ang may zero active Covid-19 cases.
Samtang, naga pabilin sa alert level one ang Bacolod kag ang nabilin naman nga mga banwa kag siudad sa Negros Occidental yara sa alert level 2.