Subong nga Martes, October 6 gin anunsyo sang Office of the Municipal Tourism sang banwa sang Lazi sa Siquijor nga liwat na nga ginbuksan ang popular nga Cambugahay Falls.
Kahapon nagsapul ang local nga panguluhan, tourism office kag mga naga trabaho sa amo nga waterfalls para istoryahan kag himuan sang pagsulundan para malikawan pa pagkuha sang litrato kag video sang mga turista sa lugar nga wala sang permiso kag gina himo nga content sa social media. Nadesisyonan nga temporaryo ini nga ipasira anay kag subong nga adlaw, liwat na naman nga nagbukas.
Sa page sang Siquijor Tourism, nagpasalig sila nga i monitor ang serbisyo kag mga aktibidad sang stakeholders sa amo nga tourist destination para mapasiguro nga maspaayuhon pa gid ang pagbaton sang bisita kag mga turista.
Sa tiun nga may problema sa serbisyo sang mga naga serbisyo sa amo nga falls nagapanwagan ang tourism office sang probinsya nga ipahibalo gilayon sa ila para makahimo sang tikang nga ma improve ukon indi na masulit pa.
Nangin viral ang fairy walk sang TV host kag actress nga si Anne Curtis sa Cambugahay Falls sang nagligad nga tuig
Isa ini sa madamo nga mga lugar nga ginakadtuan sang mga turista sa Siquijor.
[sibwp_form id=1]