Patay ang isa ka call center agent matapos ini mabungguan kagab-i sang motorsiklo sa dalan Araneta sa Barangay Singcang-Airport sa Bacolod.
Ang napatay amo si Erylnor Colango, 28 anyos.
Nagatabok sa dalan Araneta si Colango sang siya ang mabungguan sang motorsiklo nga gina dala ni Rex Pedrajas.
Suno kay Captain Glenn Montaño, hepe sang Police Station 8, posible wala makita sang driver si Colango sa iya pag tabok bangud sa madulom man ang dalan amo nga iya ini nabugguan.
Dead on arrival sa ospital si Colango. Detained naman sa Police Station 8 si Pedrajas.