Patay ang 21 anyos nga Citizen Armed Force Geographical Unit ukon CAFGU matapos aksidente nga matiruhan ang iya kaugalingon sa Brgy Sandayao, Guihulngan City sa Negros Oriental Hwebes sang kaagahon.
Sa inisyal nga report sang PNP, ang biktima ang ginkilala kay Leonemar Cabasag Embodo.
Gina siling nga aksidente nga natiruhan ni Embodo ang iya kaugalingon gamit ang iya service firearm nga M14 rifle.
Naigo sang bala sa agtang si Embodo nga nangin kabangdanan sa iya nga kamatayon.
Suno sa PNP, sa ila inisyal nga imbestigasyon wala sang foul play sa kamatayon sang biktima.