Ang palamahawan sa higad sang baybay sa Pontevedra kun sa diin nakuryente ang mag-amay nga taga syudad sang Bago, temporaryo nga ginpasirad-an.
Nagmando si Mayor Jose Maria Alonso, ang alkalde sang banwa sang Pontevedra nga temporaryo nga pasirad-an ang palamahawan sa Barangay Miranda, kun diin nakuryente ang mag-amay sang tinalikdan nga Domingo.
Ginsiling ni Police Captain Darryl Kuhutan, hepe sang Pontevedra PNP, temporaryo nga indi anay maka-operate ang nasambit nga palamahawan samtang wala pa matapos ang imbestigasyon.
Nag-ayo naman ang pamilya sang mga biktima nga patapuson anay nila ang lubong sang 45-anyos nga himata antes sila mag-desisyon kun magapasaka sila sang kaso ukon indi sa nasambit nga palamahawan.
Magamit kuntani ang 80-anyos nga amay sang comfort room sang naigo ang iya ulo sang nagaluyloy nga live wire.
Nagtuyo nga magtabang ang iya 45-anyos nga bata nga babaye apang ini ang nakuryente man kag napatay.