1,224,000 pesos ang balor sang suspected shabu nga nakumpiskar sa duha ka mga lalaki sa buy-bust operation nga ginpatigayon sang Police Station 8 sa runway sang old airport sa Brgy. Singcang-Airport sa siudad sang Bacolod kahapon sang hapon.
Ang mga nadakpan ginkilala nga sanday Mark Anthony Sorongon, 19 anyos, isa ka e-bike driver kag si Anthony Calantas, 31-anyos.
Pinaagi sa buy-bust operation sang Police Station 8 nakuha sa duha ka mga suspek ang napulo ka dalagko nga sachet kag buy-bust item nga naga nagabug-at sang 180 gramos nga suspected shabu.
Sa karon ara sa kustodiya sang Bacolod City Police Station 8 kag magapangatubang sang kaso sa paglapas sa RA 9165 ukon ang Comprehensive Dangerous Drugs Act of 2002 ang duha ka mga suspek.