Ginsikop sang katapo sang Bacolod City Drug Enforcement Unit ang walo tanan ka mga persona sang nagpatigayon sila sang buy-bust operation sa Purok Tahong, Barangay 2 sa Bacolod City, kaina sang kaagahon.
Ginabulubanta 200 gramos sang suspected shabu nga nagabalor P1.3 Milyones ang nakuha sa nasambit nga operation.
Subject sang buy-bust amo ang 22-anyos nga si alyas “Lorence”, residente sang Barangay 2 kag ginakabig sang kapulisan nga isa ka High-Value Target.
Ang pito ka iban pa nga gin-aresto ang residente sang Barangays 29, 2, 30 kag Cabug sa Bacolod City.
Ginahanda karon sang kapulisan ang kaso nga pagsupak sa Republic Act 9165 ukon Comprehensive Dangerous Drugs Act of 2002 batuk sa mga gindakup.