2:30 sang kaagahon sang gin-report sa Enviroment and Natural Resources Office sang Himamaylan City ang sighting sang butanding ukon whale shark kaina.
Isa ka team nga gina bug-usan sang Coast Guard, BFAR, FARMC kag ENRO ang gilayon nga nag plano sa pag balik sini sa tunga sang lawod.
Ginkalingaw naman sang mga pumuluyo sang barangay sang makita ang butanding. Ang iban nag siling nga indi na kinahanglan pa mag biyahe pa Oslob sa Cebu para maka kita sang butanding kay nag palapit na ini mismo sa ila nga lugar. Nangin instant tourist attraction ang whale shark.
Las onse sang aga, sang nagtaob na ang tubig, gin-alalayan ang butanding nga makabalik sa tunga sang lawod.
Sa report sang ENRO, ila ginsiling nga isa sa mga rason nga naga pahigad sa baybayon ang mga whale shark kun ini sila ang na stress ukon may gina batyag. Napahibalo naman ang coastal barangays nga dapat indi pag sakiton ang mga butanding kun maka lab-ot sa ila nga mga lugar kay protektado ini sang layi kag dako ang role sini sa balance sang ecosystem.
Sang 2017 may isa man ka butanding nga naka lab-ot sa Barangay Aguisan sa Himamaylan.