Shadow

Business tycoon nga si Lucio Co ginaduso nga mangin adopted son sang Bacolod

Ang katapo sang Bacolod-Filipino Chinese Community ang nag-endorso sa konseho nga kun mahimo makabig bilang adopted son kag honorary mayorang business tycoon nga si Lucio Co.

Si Co ang nagapanag-iya sang chain sang grocery stores sa pungsod kag diri sa siudad.

Suno kay Councilor Jason Villarosa, magahinyo pa sang dugang nga detalye ang konseho gikan sa Filipino-Chinese community antes aprobahan ang deklarasyon nga magakabig sa negosyante bilang adopted son sang siudad.

Samtang, ginahikot naman sang Committee on Tourism sang konseho ang memorandum of agreement upod man sa Filipino-Chinese Community para sa natalana nga pagsaulog sang Bacolaodiat Festival sa Pebrero.

Ang siudad ang magahatag sang P5M nga financial subsidy para sa organizing committee nga magadumala sang mga festival events.

Secured By miniOrangeSecured By miniOrange