Pagtukod sang Bacolod Arts and Culture Council ginpirmahan paagi sa tiglawas sang business tycoon nga si Lucio Co nga karon honorary Mayor kag adopted son sang siudad.
Sa ginpatigayon nga special session sang Sabado gin-confer sang Sangguniang Panlungsod sang Bacolod ang business tycoon nga si Lucio Co bilang adopted son sang siudad.
Wala si Co nakatambong bangud naglain ang pamatyag amo nga ang iya anak nga si Camille Clarisse Co-Lao upod sa bana nga si Michael Stephen Lao ang nagtiglawas sa iya.
Upod kay Mayor Albee Benitez kag katapo sang konseho ginpirmahan sang tiglawas ni Co ang pagtukod sang Bacolod Arts and Culture Council nga amo ang ginalauman makapasanyug pa sang kultura kag arts sa siudad.
Si Co ang isa sa mga investor sang Bredco kag S&R nga natalana magabukas sa siudad sa sini nga tuig.