Road closure ipatuman sa atubang sang Burgos Public Cemetery kadungan sang temporaryo nga pagbukas sang patyo para sa mga nagabisita sa minatay sa Nobyembre 1.
Sa Oktubre 29 buksan sang siudad ang Burgos Public Cemetery dungan sa ginapaabot nga pagdagsa sang mga magabisita sa ila minatay.
Suno kay City Administrator Boyet Maghari, pahanugutan man ang mga vendors nga makabaligya sa gwa sang patyo.
Gani ipatuman man ang road closure sa halin sa corner sang dalan Burgos kag Lopez Jaena pakadto sa Ylac Street humalin las sais sang aga sa Nobyembre 1 tubtob las sais sang hapon sa Nobyembre 2.
Ang katapo sang Bacolod City Police Office ang hugot man nga magabantay sa mga patyo kag magatalana sang help desks.
Pagadumilian ang pagdala sang makahulubog nga ilimnon, mga patalom kag ang pagpanahor sa sulod sang patyo.