Wala sang may na report nga ash fall gikan sa mga ash emission sang bulkan Kanlaon sini lamang.
3:21 am sang Agosto 17, ukon sini nga Lunes ang ulihi nga na record nga pag buga sang bulkan Kanlaon.
Sa record sang Philippine Institute of Volcanology and Seismology, matapos nga nag linong sang pila man ka adlaw ang bulkan Kanlaon, sunod-sunod nga na record sang ash emission humalin sang Agosto 13.
Humalin sadto may lima ka na-record nga ash emissions tubtob kaagahon sang Lunes.
Pero suno kay Mari-Andylene Quintia ang resident volcanologist wala sang ash fall nga na-report.
Sa 24 hour bulletin sang bulkan Kanlaon, may duha ka volcanic quakes ang na-record, may 887 ka tonelada sang sulfur dioxide flux kag 150 ka metro ang taas sang plume. Padayon ang ground deformation sang bulkan kag naga pabilin ini sa alert level 2.
[sibwp_form id=1]