Liwat naman nga nagbuga ang bulkan Kanlaon.
Hapon sang Miyerkules maka duha ini ka beses nga nagbuga kag humalin pasado las 3 kaina sang kaagahon tubtob las 8 sini nga aga maka lima ini ka beses nga nagbuga.
Suno kay Mari-Andylene Quintia, ang resident Volcanologist nga nabase sa La Granja sa La Carlota City, antes sang kahapon, Pebrero 28 ang ulihi nga record sang pag buga sang Kanlaon.
Sunod-sunod man ang pagbuga subong nga adlaw, wala sang may nag report nga natup-an sang abo ukon ash fall. Paathag ni Quintia ini bangud ang mga emission karon na confine ukon yara lamang sa summit. Mga 300 metros lamang ang kataason.
Sa mga nagligad nga inadlaw manubo ang sulfur dioxide emission suno kay Quintia.
Ang liwat nga pagbuga nagakasayuran nga mahimo naga ka clog ang system.
Kun may clogging suno sa iya indi continuous ang pag pa gwa sang gas kag may pagsaka sa pressure rason nga may ash emission.
“Kun aton man ma notice, naba man ang aton nga sulfur dioxide emission past few days. Naga ka clog ang aton nga system, amo nga may mga ash emissions naman kita nga ma record sa subong. Example kun may clogging so ang pag pa gwa ni sang gas indi masyado nga continuous, tapos naga ka pressurize amo nga may ara dayon kita nagaka observe nga ash emissions”, suno kay Quintia.