Base sa advisory, padayon na monitor sang PHIVOLCS nga naga damo ang paghabok sa idalom nga parte sang bulkan.
Humalin pa sang 2022 ang ini nga obserbasyon nga naga pakita nga may malawig na nga build-up sang pressure sa idalom sang bulkan.
Kun basehan pa gid ang mga volcanic earthquakes, pagdamo sang gina buga nga sulfur dioxide kag ang gound deformation, suno sa PHIVOLCS indikasyon ini sang magmatic intrusion sa idalom.
Gani naga paandam ang PHIVOLCS sa naga dako man nga posibilidad sang liwat nga paglupok sang bulkan.
Naga remind ang PHIVOLCS nga napaidalom sa Alert Level 2 sa gihapon ang bulkan Kanlaon.
Wala sang tawo dapat sa 4 kilometer permanent danger zone.
Engkaso mag ash fall, gina abisohan ang publiko nga manabon sang basa nga tela sa baba kag ilong.
Indi man pwede maka lupad ang ano man nga aircraft sa ibabaw sang bulkan.
Ang mga naga puyo sa idalom sang bulkan gina paandaman batuk sa posibilidad sang lahar kag muddy streamflow.
Padayon ang hugot nga pag monitor sa bulkan.