Naglawig sa tatlo ka oras kag 30 minutos ang pag buga sang abo sang bulkan Kanlaon kaina sang aga.
Sa report sang Philippine Institute of Volcanology and Seismology ukon Phivolcs ang weak ash emission ang nagsugod 5:55am kag nagtapos 9:25 am.
Ini ang nag generate sang grayish plumes nga nagsaka tubtob sa 350 meters gikan sa baba sang bulkan. Ini ang nagpadulong southwest.
Manipis man ang ash emission pero suno kay Mari-Andylene Quintia ang resident volcanologist sa Kanlaon Observatory sa La Carlota, mahimo nga may yara sang ash fall bangud sang kabaskog sang huyop sang hangin karon sa area sang Bago City kag La Carlota City. Pero as of press time, wala pa man sang reported ashfall.
Enero 3 ang ulihi nga ash emission nga na-record sa bulkan Kanlaon.
Paathag ni Quintia, kay naga pabilin man sa Alert Level 2 ang bulkan Kanlaon, posible sa gihapon ang explosive eruption.
Gani kaangay sa nag liligad, ang ash emission makabig precursor ukon event antes pa man matabo ang isa ka explosive eruption suno kay Quintia.
“Kay tungod nga naka alert level 2 pa ang aton nga bulkan, posible nga sa gihapon nga mag karoon kita sang mga explosive eruption. Ang mga ash emissions naton, before precursor siya sang aton nga mga explosive eruption. May mga ash emission ta anay before kita nag ka roon ng explosive eruption parehos sang natabo sang December. Posible na siya nga matabo”, suno kay Quintia.
[sibwp_form id=1]