Maka pito ka beses nga nagbuga ang bulkan Kanlaon humalin sang Domingo tubtob kaina sang aga.
Sa April 6 nga bulletin sang Philippine Institute of Volcanology and Seismolgy sa bulkan Kanlaon, may apat ka pagbuga sang abo ang na-record humalin las 12 sang kaagahon sang Domingo tubtob las 12 sang kaagahon sang Lunes.
Suno kay Mari-Andylene Quintia ang resident volcanologist, may tatlo man ka pag buga sang bulkan ang na record kaina sang aga 7am to 7:15 am, 8:58 am to 9:06 am kag 10:42 am.
Sa April 6 nga bulletin 49 ka volcanic earthquakes ang na-record lakip na ang tatlo ka volcanic tremors.
Paathag ni Quintia ang mga na-record nga volcanic earthquakes ang may kaangtanan sa mga ash emission events.
Wala naman sang may gin-report nga ash fall suno kay Quintia.
“Tanan nga volcanic earthquakes naton related siya sa mga ash emission events naton. May seismic signals na siya nga upod ang aton nga mga ash emissions amo na nga nag damo ang aton recorded nga LFVQs and tremor events”, suno kay Quintia.*
[sibwp_form id=1]