Bulkan Kanlaon ang nag-record sang 90 ka volcanic quakes.
Ini base sa summary sang 24 hour observation nga gin-release sang Philippine Institute of Volcanology and Seismology ukon PHIVOLCS.
May yara sang increased unrest ang bulkan.
Ginsiling ni Ma Antonia Bornas ang chief sang Volcano Monitoring kag Eruption Prediction Division sang PHIVOLCS sang kahapon nga ang explosive eruption ukon mas madamo nga ash emission sa bulkan Kanlaon ang mas imminent kasunod sang pagsaka sang volcanic quakes.
Suno sa iya ang tyansa sang kasubong nga mga activity ang nagasaka kag sarang nga matabo sa ano man nga oras pero indi man ini ma pat-od kun san-o.
Sa amo man nga 24 hour observation report, 953 tonnes per day ang sulfur dioxide flux sang Kanlaon.
75 meters naman ang kataason sang plume, gikan sa gina kabig nga weak emission kag nag padulon sa southwest ini.
Ang edifice sang bulkan ang naga pabilin nga inflated.
Padayon naman nga naga panawagan si Governor Eugenio Jose Lacson sang pag pangamuyo nga malikawan na ang pag lupok pa sang bulkan Kanlaon.