30 minutos nga nag buga sang abo ang Bulkan Kanlaon sang Domingo.
Suno sa Philippine Institute of Volcanology and Seismology 6:47 am nagsugod ang ash emission sa summit crater sang bulkan tubtob 7:17 am.
Ini ang nag generate sang grayish plume nga nagsaka tubtob sa 300 meters sa ibabaw sang crater antes nagpadulong southeast.
55 ka volcanic quakes ang na-record base sa summary sang 24 hour observation sang mga active nga bulkan.
Ang sulfur dioxide flux naman sa kada adlaw yara sa 1,205 ka tonelada.
Nagapabilin ang ground deformation nga suno kay Ma Antonia Bornas ang chief sang Volcano Monitoring and Eruption Prediction Division sang PHIVOLCS patimaan sang magma intrusion sa idalom sang bulkan.
Dugang pa niya ang period sang volcanic unrest sang Kanlaon ang malawig.
Nagapabilin sa Alert Level 2 ang bulkan suno sa iya, kay wala man sang tuman nga pagbag-o sa overall monitoring parameters.
Ang natabo nga linog sa Cebu suno kay Bornas mahimo maka tuga sang pag bukas sang mga fractures sa bulkan pero wala sang may nakit-an nga significant nga epekto ini sa activity sang bulkan.
“Ganito po kasi sa Cebu, baka magkaroon po tayo ng opening ng fractures dito sa loob ng bulkan dahil meron po tayong ground shaking. Medyo malakas po ang ground shaking natin nung Cebu earthquake so expected po natin na meron tayong opening ng mga kaunting fractures po diyan pero hindi po natin nakikitang meron po itong overall significant effect po sa ating activity”, suno kay Bornas.
Samtang ang CAAP ukon ang Civil Aviation Authority of the Philippines ang nag issue sang advisory sa pinaka ulihi nga Notice to Airmen ukon NOTAM kasunod sang volcanic activity sang bulkan Bulusan, Kanlaon kag Taal.
Para sa Kanlaon ang NOTAM ang na issue effective October 13 2025, 8:15 am tubtob October 14, 9am.
Ang mga flight operator ang gina abisuhan nga likawan ang pag lupad malapit sa volcanic summit.