Isa ka weak ash emission ang na monitor kahapon sa bulkan Kanlaon.
Suno sa Philippine Institute of Volcanology and Seismology, nagsugod ang ash emission sa summit crater 5:25 sang hapon sang Lunes kag ini ang na capture sang IP cameras nila.
May 75 meters ini nga kataason kag nag padulong sa west-southwest nga direksyon.
Pero suno kay Ptolemy Mañego ang Science Research Assistant sang Phivolcs sa Kanlaon Observatory sa La Carlota wala sang may nag report nga natup-an sang ash fall.
Wala man sang may na record nga seismic activity.
Pero padayon ang monitoring sang PHIVOLCS bangud mahimo man nga indikasyon ini sang posible volcanic eruption ukon hazard.
Nagapabilin sa Alert Level 2 ang bulkan Kanlaon.
“(could be an) Indication nga may ara worse case scenario like eruption and other volcanic hazards like PDC, volcanic tremors”, suno kay Mañego.