10 minutos nga nag buga sang abo ang bulkan Kanlaon kaina sang aga.
Suno sa Philippine Institute of Volcanology and Seismology 9:43 tubtob 10:53 kaina sang aga nag buga sang abo ang bulkan Kanlaon. Ang plume nga grayish ang nagsaka tubtob sa 1,000 meters sa ibabaw sang crater sang bulkan kag ini ang padulong sa Sur nga bahin.
Sa pihak nga bahin padayon ang maid-id nga monitoring sa bulkan. Suno kay Mari-Andylene Quintia ang resident volcanologist nga nabase sa La Carlota Kanlaon Observatory, sa karon naga pabilin sa alert level 2 ang bulkan. Gina tutukan ang parameters kun kinahanglan nga ipasaka sa Alert Level 2 ang status sang bulkan.
7:04 Hwebes sang gab-i sang na record ang moderately explosive nga eruption sang bulkan. Duha ka minutos ini nga nag lawig.
Mga pyroclastic density currents ukon PDC kag ballistic projectiles nga naga tumod sa yadtong daw naga baga nga makit-an sang kagab-i ang nag gwa kahapon gikan sa crater sang bulkan. Naglab-ot ini sa isa tubtob duha ka kilometro kag nagtuga man sang grass fire.
“Posible ni siya nga magpataas kita sang aton nga alert level pero gina lantaw naton ang mga volcanic parameters kung may nakikita kita. Storyahan pa ni siya sang mga top officials sang PHIVOLCS kung ano ang mas proper nga himuon para sa aton nga alert level”, suno kay Quintia.*
[sibwp_form id=1]