Sang Sabado kag Domingo lamang, Marso 21 kag 22, ang bulkan Kanlaon, ang 12 ka beses nga nagbuga sang abo. Kaina sang aga kag sini nga hapon, Marso 23, liwat naman ini nga nagbuga.
Suno sa Philippine Institute of Volcanology and Seismology ang mga ash emission sang bulkan nagakasayuran nga ang magma sa sulod ang tigayon nga naka degass.
6:54 sining Lunes sang aga nagbuga sang abo ang bulkan. 2:40 sining Lunes sang hapon liwat naman nga may yara sang ash emission.
Sa March 22 nga 24-hour monitoring report sang bulkan nga naga sakop humalin 12am sang March 21 tubtob 12am sang March 22, siyam ka pag buga sang abo ang na-record suno sa PHIVOLCS. 20 tubtob 184 ka minutos ang ginlawig sang ash emssion.
Sa March 23 naman nga 24-hour monitoring report, makatlo ka beses nga nagbuga ang bulkan nga nag lawig naman humalin 18 ka minutos tubtob 90 ka minutos.
Nagapabilin sa alert level 2 ang bulkan.
Suno kay Pearly Sianson, Science Research Specialist sa PHIVOLCS padayon ang maid-id nga monitoring sa bulkan labi na kun may mga siginificant changes sa parameters nga amo ang basehan sa pag pat-od sang alert level sang bulkan.
March 15 ulihi nga na-record ang moderately explosive eruption sang bulkan. Antes sini may duha man ka kasubong nga sahi sang eruption sinemana lang ang nakaligad.
“Ining aton volcanic gas, as the magma is rising, degassing nga may upod nga ash, amo ni ang gina buga ni Kanlaon. Ginapakita ya subong, posible gihapon nga matabo ang same nga explosive eruption kay Kanlaon. Wala lang naton mahibaluan kun ano nga exact day and time”, suno kay Sianson.
[sibwp_form id=1]