Pamuno sang African Swine Fever Task Force sa Bacolod nagahinyo sa mga shipping lines nga kun mahimu balabagan ang pagsakay sang mga pasahero nga nagadala sang pork and pork meat products kasubong man sang buhi nga manok pati na inihaw sa pwerto pa lang halin sa iloilo.
Indi lang buhi nga manok nga halin Iloilo ang ginadumilian makasulod sa probinsya ilabi na sa mga seaport sa Bacolod.
May mga gin-ihaw man nga manok nga gin kumpiskar kag ginsunog sang katapo sang Joint AsF task force kahapon.
Suno kay Dr. Maria Agueda dela Torre, indi malipod nga may mga pork and pork meat products pati na buhi nga manok,inihaw kag itlog nga sarang gihapon makalusot halin sa port sang iloilo nga nabalabagan sang task force sa Bredco kag Banago port kada adlaw.
Gani pangabay ni Dela Torre sa mga tagdumalahan sang shipping firms nga kun mahimu balabagan na nga daan ang pagsakay sang mga pasahero nga makit-an nagadala sang ginadumilian nga produkto halin pa lang sa port sa Iloilo.
Karon nga bulan sang paskwa mas masako karon ang task force nga hugot nga nagabantay sa mga port kag point of entry agud mapabilin nga ASF free kag bird flu free ang probinsya sang Negros Occidental kag Bacolod.