Nagsugod na abot ang bulig para sa Negros Occidental may kaangtanan sa halit nga natuga sang Bagyo Odette.
131 million pesos sini gid lamang ang na download sa Negros Occidental. Suno kay Governor Eugenio Jose Lacson, nagbaton na sang probinsya ang 90 milyones pesos gikan sa National Housing Authority nga para sa mga nagub-an sang balay sang mag igo si Bagyo Odette.
Suno kay Governor Lacson kinahanglan ang isa ka memorandum of agreement para diri nga dapat man aprobahan anay sang Sangguniang Panlalawigan para mahatagan sang authority ang paglagda sini.
Sa December 27 nga report sang Provincial Disaster Management Program Division, 65,871 ang totally destroyed houses kag 190,868 naman ang partially damaged nga puluy-an.
May na download man sang probinsya gikan sa Bureau of Treasury nga 41 million pesos.
Wala pa man sang guidelines pero suno kay Lacson ini ang mahimo bulig man para sa Bagyo Odette.
Ang iban nga mga local government units suno sa iya ang nakabaton man notice gikan sa Bureau of Treasury nga may na download nga kantidad sa ila nga mga account.