Gintupok sang kalayo ang isa ka space rental nga building sa Barangay 4, siyudad sang Himamaylan sadtong Biyernes sang gab-i, kun sa diin nagdangat ang kahalitan sa 4.4 Milyones Pesos.
Lima ka mga shops nga nahamtang sa nasambit nga building ang apektado sang sunog.
Ini amo ang auto supply store, coffee shop, motor parts shop, water station kag internet cafe.
Base sa inisyal nga imbestigasyon sang Himamaylan BFP, nagsugod ang kalayo sa tunga sang coffee shop kag balaligyaan sang motor parts.
Ginsiling ni Fire Insp. Jereck Barbas, acting fire marshal sang Himamaylan City Fire Station, under investigation pa ang gintunaan sang sunog.
Wala naman sang may nasamaran bangud sang insidente.