Buhawi ginhalinan sang brownout sa area sang Murcia kag Bacolod. Nakuhaan pa sang video sang mga motorista ang pag karab-karab sang sang mga kable sang kuryente nga nagkala bugto.
Sa video nga kuha ni Markjune Belsa makita ang hinali nga pag labay sang buhawi sa tunga sang karsada sa may area sang Hacienda Puyas, Barangay Blumentritt sa banwa sang Murcia mga las dos sini nga hapon.
Makita pa sa video ang pag-igrab sang mga nagkalabugto nga kable sang kuryente. Na pwersa sila nga mag isol sa kakulba.
Nag linupad ang mga papel kag plastic bangud sang buhawi.
Sa video naman ni Andrew Briz nga na timing man nga naka labay sa Blumentritt sang amo nga mga oras, makita man ang naga igrab nga mga kable sang kuryente kag ang pag pulon-pulon sang hangin nga may dala nga mga sin nga naga nilupad.
Nag pondo sila matapos makita ang buhawi.
Bangud sa halit sang buhawi sa mga kable sang kuryente may nagluntad nga unscheduled power interruption sa area area sang Murcia kag Alijis feeders sa Bacolod.
As of press time gina tinghuaan sang Negros Power nga mabalik ang supply sang kuryente. May mga sin nga nag salab-it sa ila nga mga kable.