Shadow

Bugas kag health insurance ihatag sa mga senior citizens nga maka kompleto sang duha ka dose sang bakuna

PIMT file photo

Mga senior citizen nga tigayon maka human sang ila duha ka dose sang Covid–19 vaccine ang maga baton sang incentive.

Bwas na maga sugod ang walo ka adlaw nga Provincial Vaccination Days sang probinsya sa bilog nga bulan sang Hunyo.

Labing prayoridad suno kay Provincial Health Officer Dr Ernell Tumimbang ang mga senior citizen labi na nga manubo sa gihapon ang vaccination rate sa A2 category.

Sa May 28 nga report sang DOH, 58.97 percent ang fully vaccinated sa mga senior citizen sa Negros Occidental.

Para maduso pa gid ang vaccination program sa mga senior citizen, suno kay Tumimbang ang maka kumpleto sang ila nga duha ka dose sang Covid vaccine ang hatagan sang lima ka kilo nga bugas.

Wala labot diri ang dugang nga membership para sa Negros Occidental Comprehensive Health Program. May monitoring team man nga gin porma agudto suno kay tumimbang ang ano man nga gap ukon dapat nga i-correct ukon mga improve ang mapatuman sa nabilin nga mga provincial Vaccination Days.

63.61 percent ang fully vaccinated sa probinsya. Tinutuyo sang Provincial Vaccination Days nga mabuligan ang pag de-escalate sang probinsya sa alert level 1.

Secured By miniOrange