Magasugod bwas nga adlaw, Hwebes, ang ikatlo nga National Vaccination Drive.
Probinsya ang maga padala sang team sang vaccinators sa siudad sang Bago kag Kabankalan.
Suno kay Provincial Administrator Rayfrando Diaz, tig isa ka libo ang target nga mabakunahan sa duha ka LGU.
Lakip ang San Carlos city, ang Kabankalan kag Bago ang may pinaka madamo pa nga wala mabakunahan sa target population sini.
Maga patigayon man sang pagbakuna ang probinsya sa Cauayan kadungan sa pagpanagtag sang construction materials kag foodpacks lakip na banana seedlings sa apektado sang bagyo Odette.
May 3,979 ka beneficiaries kag suno kay Diaz bisan katunga na lamang sini ang ila nga mabakunahan.
Tig duha ka kilo sang bugas naman ang ipanghatag sang probinsya sa mga magapabakuna sa sini nga mga LGU.
Samtang, base sa DOH guidelines, 80 percent na sa population karon ang target nga mabakunahan para malambot ang population protection.
Sa bahin sang Negros Occidental, gikan sa 1.8 million nga target ini ang 2 million na.
Suno kay Governor Eugenio Jose Lacson nalakip na diri ang mga menor de edad. Sa pinaka ulihi nga datus sang probinsya, 60 percent sa damlag pa 70 percent nga herd immunity target ang fully vaccinated.
Suno kay Lacson indi malambot ang bag-o nga target sini nga bulan.