Liwat na magabukas sa publiko ang Buenos Aires Moutain Resort sa Brgy Ilijan sa Bago City.
Sini nga adlaw ginpatuman ang soft opening nga gin pamunuan ni Mayor Mayette Javellana upod sanday Board Member Nicholas Yulo kag Paula Alonso-Valderrrama lakip na ang iban pa gid nga lokal nga opisyales.
Suno kay Mae Ann Furtos ang Tourism Officer sang Bago City bwas gid, Sabado, pormal nga magabukas sa publiko ang natungdan nga government owned facility.
Sa karon ang bag-o improved nga olympic pool lakip na ang mga day time cottages ang pwede na mabisitahan.
Klaro ni Furtos sa daytime pa lamang nga operation pwede ang resort.
Ang pagbukas liwat sang Buenos Aires Mountain Resort kasunod man sang pag downgrade sa Alert Level 2 sang bulkan Kanlaon.
Sang nagligad lamang nga tuig nagsugod and development sa resort suno kay Furtos kag ini ang sa bahin sang olympic pool.
Padayon ang development, phase by phase suno kay Furtos.
Daku ang bulig sang Buenos Aires Mountain Resort sa patag sang turismo sang Bago bangud sa malawig nga tion ini ang nangin major contributor sa siudad bahin sa tourist arrival labi na nga gina ganyat sini ang pamilya kag mga group visitors.
“Ang first phase, that is the area of the olympic pool. May ara kita dira nga duha ka family cottages and then one pavillion and then mga open cottages, amo na ang available sa aton nga public”, suno kay Furtos.
[sibwp_form id=1]