Sa madason nga semana gina paabot nga masugdan na sang Sangguniang Panlalawigan ang budget hearing.
Ini suno kay Vice Governor Jeffrery Ferrer nga nag siling man nga target nila nga mapasar ang budget sa una nga semana sang Disyembre.
Naka schedule na ang budget hearing sa idalom sang Committee on Finance nga gina pamunuan ni Board Member Rommel Debulgado bilang chairperson.
Ginatutukan sa karon suno kay Ferrrer ang mga nagapadayon nga mga programa sang probinsya, lakip man ang mga hinyo sang mga local government units. Nagapanguna man ang bahin sa food security kag health services.
5.1 billion pesos ang proposed budget sang probinsya para sa 2023.
12.87 percent nga mas manubo ini sang sa 2022 budget tuga sang reduction sa Internal Revenue Allotment.