BTAO nag deploy sang traffic enforcer sa Bacolod Negros Occidental Economic Highway kasunod sang pag-guot sang mga salakyan sa bahin sang Barangay Granada.
Nag deploy na ang Bacolod Traffic Authority Office sang duha ka mga traffic enforcers sa Bacolod Negros Economic Highway ukon BANOCEH kada hapon sa crossing sang dalan pa Granada kag pa Talisay.
Ini kasunod sang pag guot sang mga salakyan sa intersection.
Suno kay Jose Antonio Robello, deputy head sang BTAO, masami kun hapon naga guot ang salakyan sa ini nga area kay wala sang may naga hatag sang lugar.
Mansig pinalumba ang mga drayber nga maka tabok sa intersection.
Ang pagbutang sang traffic enforcer ang pang short term lamang nga solusyon sa sini nga problema pero iga suhestyon man sang BTAO ang pagbutang sang traffic lights sa intersection bilang long term solution.
Isa pa gid sa mga rason nga ginatudlo ni Robello amo nga sang mahibaluan sang motorista nga malabyan na ang ini nga dalan nagdinaguso ang kalabanan para makalabay sa bag-o nga dalan.
Ang BANOCEH ang halin sa Sum-ag lusot sa Felisa, Mansilingan, Granada gwa sa Talisay kag rekta pa gid pa Victorias City.