BTAO head nga si Patrick Lacson ang gin-serbehan sang 5-day suspension angut sa duha ka mga notice to explain nga gin-issue batuk sa iya.
Magluwas sa warning kag pag-reprimand ni Mayor Albee Benitez batuk kay BTAO head Patrick Lacson, ginpirmahan sang alklade ang gin-recommend nga 5-day suspension batuk sa iya.
Una diri ang pagkakas sang logo sticker sang siudad sa MABB Cab Unit nga nakuhaan sang litrato nga nagapark sa puluy-an ni Lacson kag ang pag-issue niya sang memorandum nga nagahatag quota sa mga traffic personnel nga manakop sang traffic violators sa siudad.
Ginsiling ni City Legal Officer Atty. Romeo Carlos Ting, Jr. nga ang penalidad ang naangut sa light offense sa pagsupak ni Lacson sang office procedures.
Ginpahayag na ni Lacson nga ginabaton niya ang ano man nga pina sa iya man gin-ako nga sala.
Wala labot kay Lacson, gintagaan sang warning pati ang anay BTAO deputy nga si Jose Antonio Robello nga karon on indefinite leave.