BTAO Head Patrick Lacson gin-reprimand ni Mayor Albee Benitez, natalana siya nga maga pa gwa sang letter of apology.
Makapila na ka beses nga nagpaathag kag nangayo sang pasaylo si BTAO head Patrick Lacson angut sa pagkakas sang logo sticker sa MABB Cab unit nga iya ginhimo nga patrol vehicle kag nakuhaan pa sang litrato nga naka park sa gwa sang iya puluy-an.
Nakasubmit na siya sang sabat sa duha ka separado nga notice to explain nga gin issue sang City Legal Office, nalakip diri ang may angut sa pag issue sang memo nga nagahatag quota sa mga traffic personnel nga manakop sang traffic violators.
Ginpahayag ni Mayor Albee Benitez nga wala sang legal basis ang amo nga memo nga iya ginpa nullify kag gin withdraw.
Ginsiling ni Lacson nga na-reprimand na siya ni Mayor Albee tungod sang sunod sunod nga notices.
Gani madasun siya nga maga pa gwa sang letter of apology bahin diri.
Dugang niya handa siya nga atubangon ang penalidad nga sarang ipatuman batuk sa iya.
Nagapanindugan siya nga wala siya sang nahimo nga paglapas sa Anti-Graft and Corrupt Practices Act sa pihak sang mga nabuhat.