Exemption para sa ginapatuman nga no parking ordinance sa dalan Lacson kun weekdays ang ginatun-an sang Bacolod Ttraffic Authority Office.
Wala labot sa ginaduso nga parking exemption sa Dalan Lacson kada weekends, ginatun-an sang BTAO nga matugutan ang pagpark sang mga salakyan kun weekdays.
Ginsiling ni BTAO Deputy Jose Antonio Robello nga gina ayo sang mga customer kag tagdumalahan sang mga commercial establishments sa Lacson street nga makapark sila halin las siete sang gab-i asta las singko sang kaagahon kada Lunes asta Biyernes.
Ang siudad paagi sa BTAO amo ang nagapatuman sang regulated clamping kag towing operation sa Lacson Street.
Ginpahayag man sadto ni City Legal Officer Atty. Romeo Carlos Ting, Jr. nga pwede mahimo ang mga adjustment paagi sa igapatuman nga pay parking ordinance.