Revamp sa Bacolod Traffic Authority Office ang ginaduso sang katapo sang konseho sang siudad.
Nagapati nga si Councilor Al Victor Espino, pamuno sang Committee on Transportation and Traffic nga indi kinahanglan nga pulis ang magapamuno sang BTAO.
Amo nga plano niya ang pagbalasa sa mga opisyal sang nasambit nga opisina.
Indi pa mahingadlan ni Espino ang napilian nga mamauno sa BTAO. Pero suno sa iya sibilyan nga may track record na sa BTAO ang nagakaangay sa pwesto.
Samtang, ginadihon man karon sang konsehal ang pagtukod sang traffic academy upod sa Land Transportation Office.
Tinutuyo sini ang paghanas sa mga kapulisan nalakip na ang pagpabakod sang traffic guidelines kag mga pinalidad ilabi na sa bahin sang gina-issue nga citation ticket sa mga violators.
[sibwp_form id=1]