Sang weekend nangin viral ang post sang isa ka netizen matapos nga wala ginbaton ang iya nga kwarta sa isa ka mall kay indi pwede mapilo ang bag-o nga isa ka libo nga bill nga himo sa polymer.
Nag resulta ini sa pagka dismaya sang mga netizens sa bag-o nga one thousand peso bill nga kabudlay halungan.
Kahapon nagpagwa sang statement ang SM Super Malls nga naga paathag nga ang gin utod ukon nagisi bangud gin gamitan sang stapler lang ang wala nila gina baton nga kwarta nga papel. Ang naka agi pilo ang ila ya nga gina baton.
Kaina sang aga nagpagwa man sang statement mismo ang Bangko Sentral ng Pilipinas nga naga abiso sa mga retailers kag mga bangko nga batunon ang polymer banknotes bisan pa may pilo ini.
Paathag sang BSP, himo man sa papel ukon polymer, bisan may pilo pwede sa gihapon mabaton sa payment transactions.
Nagpagwa sang advisory ang bsp kasunod sang nangin viral nga post nga wala ginbaton ang bag-o nga isa ka libo ka pesos nga polymer nga may pinil-an.