Gin-untat na sang Philippine Coast Guard ang underwater search para sa British national nga gin-report nga missing matapos mapaslawan nga makapauli sang nagligad nga semana sa Dauin, Negros Oriental.
Suno kay Lt. Marionne Abigail Enopia, Coast Guard-Negros Oriental station commander, duha ka adlaw sila nga sige-sige sa under water search.
Pero paathag niya, magapadayon ang surface search operations.
Indi pa masiling kun ang 44 anyos nga British national nga si Mark David Morris, ang napatay kay wala man sang ebidensya.
Martes sang hapon sang ulihi nga nkit-an si Morris nga nagpadulong sa baybay bitbit ang scuba diving gear kag wala na siya makita pa.