Brgy. Villamonte nanguna sa tuigan nga Fire and Rescue Olympics competition sa Bacolod. Kabahin ini sang pagdumdom sang Fire Prevention Month.
Gintestingan ang ikasarang sang tagsa ka mga Community Fire Auxillary Group ukon CFAG sang mga barangay sa Bacolod halin sa pag-gamit sang fire extinguishers kag bucket brigade system sa pagpalong sang kalayo.
Sa 3rd Mayor Albee Benitez Fire and Rescue Olympics nagkampeon ang Barangay Villamonte.
Ginsundan sila sang anay kampeon gikan Barangay Tangub CFAG kag nangin second runner-up ang Barangay Pahanocoy.
Ang Ayala Malls Capitol Central Fire Brigade naman ang nagkampeon sa company category.
First runner-up ang Vallacar Transit Incorporated Fire Brigade.
Sa school category , ang Mansilingan Agro-Industrial High School amo ang nagkampeon nga ginsundan sang Abkasa National High School sa 1st runner-up kag Bacolod City National High School sa 2nd runner-up.
Ang kompetisyon ang tuigan nga ginahiwat dungan sa pagdumdom sang Fire Prevention Month kabahin sang tikang para mas mapasanyog ang mga CFAG sa mga barangay sa siudad kag ang mas mapabaskog ang tikang kontra sunog.