Nagligad pa nga Enero sang ginhinyo sang DPWH sa pamunuan sang Baciwa – Primewater ang pagkakas sa pipeline nga nagasablag sa nakaayo nga taytay malapit sa bangga Cory sa Barangay Mansilingan sa Bacolod City.
Pero tubtob karon wala pa nakuha ang linya sang tubo nga makabig peligro sa mga motorista nga nagalinabay.
Ang four lanes nga alagyan ang indi mapuslan kay asta karon wala ini matandog sang Baciwa-Primewater.
Gani ang Barangay Council maga-issue na lang sang resolution para manduan ang water utility nga kakason ang ila pipeline.
Si Punong Barangay Franz Tiongko liwat nagapanawagan sa Baciwa nga kuntani pamatian ang ila hinyo kag sang mga nagalinabay nga motorista sa taytay.