Brgy 16 sa Bacolod City, ang may duha ka punong barangay matapos nagbalik sa pwesto ang na-suspend nga si Punong Barangay Joseph De los Santos.
Indi lang si OIC-Punong Barangay Stella Dela Peña ang yara sa barangay hall sang Barangay 16 kaina.
Nag report man balik sa pwesto si suspended Punong Barangay Joseph De los Santos agud magtrabaho.
Suno kay De los Santos indi niya luyag nga liwat makabaton sang reklamo matapos ang 60-day preventive suspension batuk sa iya amo nga nag report siya samtang wala pa mabaton ang mando nga iya ginapaabot maga gikan kay Mayor Albee Benitez.
Siya ang liwat ginpamatbatan sang Sanguniang Panlungsod sang dugang nga 6 months nga suspension bangud sang kaso administratibo may angut sa lima ka consecutive unathorized absences sa session sang barangay council.
Suno kay Councilor Al Victor Espino ang pamuno sang Committee on Laws and Ordinance and Good Government ang pag-suspend kay De los Santos ang nag agi sa due process santo sa pagsulundan sang Department of the Interior and Local Government gani dapat manaug na sa pwesto ang suspended punong barangay.
Maga-file naman sang motion for reconsideration si De los Santos kag counter charges angut sa iya ginakabig pagpeke sang mga dokumento para lang mapahalin siya sa pwesto.