Isa ka business process outsourcing company sa probinsya plano nga mag-hire sang 300 ka mga empleyado kada bulan sa sini nga tuig.
Gin-anunsyo sang management sang IQOR Negros Occidental nga sini lang nga tuig nabaton nila ang certification bilang Great Place to Work.
Gani ginahaylo nila karon ang mga Negrense nga mangin kabahin sang kumpanya.
300 ka mga Negrense kada bulan ang tuyo nila nga matagaan sang higayon nga makatrabaho.
Suno kay Jim Down, Senior Director for Operations sang IQOR, indi lang trabaho kundi career ang ginatanyag nila sa mga Negrense.
Ginsiling ni Marilou Vergara, Director for Marketing Operations, ang paghatag sang training kag nagakaigo nga recognition sa mga empleyado, kabahin sa mga rason nga nabaton nila ang certification halin sa ginakabig global authority on workplace culture.
Dungan sini ginlunsar man sang BPO firm ang company-based non-profit charitable organization nga nagahatag bulig sa ila mga empleyado kag sa iban pa nga katapo sang komunidad.