Sumugod Marso uno paga tugutan na ang pagsulod sang mga residente sang Mabinay sa Negros Oriental sa Kabankalan City.
Ini ang ginkasugtan na suno kay Negros Occidental Governor Eugenio Jose Lacson nga natalana man mag pa gwa sang executive order para diri.
Suno kay Lacson mga residente lamang sang Mabinay sakay sa mga pribado nga salakyan ang pagatugutan makasulod sa kabankalan kag sa sulod lang sang dose oras ang ila nga pagtenir kag tubtob gid lamang sila sa Kabankalan.
Sa bahin sang Mabinay suno sa gobernador ang ila nga mga residente nga maglapaw sa 24 oras humalin sa ila nga pagbiya sa banwa ang ipaidalom sa quarantine.
Suno kay Lacson ang kasugtanan na base sa kinahanglanon sang pumuluyo may angut sa ila nga mga transaction kag medical needs.
Binulan naman nga bukas ang San Carlos kag Vallehermoso border kag suno sa gobernador iya nga talakayon kay Mayor Renato Gustilo sang San Carlos ang mga kasugtanan sa Mabinay-Kabankalan kun luyag man sang alkalde nga sundon ini.