Mga LGU nga yara sa boundary sang Negros Occidental kagOriental ang nag pabaskog sang border control kontra African Swine Fever.
Sa banwa sang Hinoba-an, nagdugang sang personnel ang banwa para mas hugot nga mabantayan ang border kasunod sang ASF case sa Negros Oriental.
May napahamtang nga ASF checkpoint sa Barangay Sangke, Hinoba-an, ang pinaka-ulihinga barangay sang Negros Occidental sa sur.
Pagkatapos siniBasay, Negros Oriental na. Sa ila nga monitoring suno kay Sherwin Sapian, Executive Assistant to the mayor, wala pa man sang nag nagtinguha nga mag pasulod sang baboy gikan saNegros Oriental.
“Gina see to it gid nga all policies are in place and are implemented.
Kag bilang first line of defense kumbaga, diri saprobinsya, mga first line of defense sa aton ASF kag cholera gina pa striktuhan ya (mayor) gid ang border.
In fact hambal yanag augment pa gid siya personnel sa border naton”, suno kay Sapian.
Naga pabilin naman nga hilway sa hog cholera ang Hinoba-ankag naga pabilin estable ang presyo sang baboy.
Sa Kabankalan City naman, naga pabilin ang checkpoint sa border sang Kabankalan kag Mabinay sa Negros Oriental.
“May ara naman ta existing (Mabinay border), nagdugang lang ta sang personnel”, suno kay Miranda.
May footbath man nga gin-install.
Suno kay Mayor Benjie Miranda, may border control man sila sa tunga sang mgakaiping nga banwa kag siudad kasubong sa Himamaylan.
Ang mga animal quarantine checkpoints sa mga border sang banwakag siudad kabahin sa biosecurity measures labi na nga may hog cholera cases nga na report sa onse karon sa mga LGU saprobinsya.
Wala sang hog cholera case ang siudad.
Presyo sang baboy sa merkado naga pabilin sa 240 pesos ang kilo, pero live weight suno kay Miranda ang nagbarato kag nakadangat pa inisa 120 pesos ang kilo.
Sa EB Magalona plastado naman ang animal quarantine checkpoint.
Suno kay Mayor Marvin Malacon, nag hagan haganna ang hog cholera cases kasunod sang pag panagtag sang bulong para diri.
Sa mga apektado nga lugar padayon ang pag disinfect sang mgatangkal kasubong sa Sagasa sa Bago.
Sa March 23 nga datus sang Provincial Veterinary Office nagdangat na sa 5,252 ka mga baboy ang gin report nag kalamatay.
Ang kahalitan naga balor sang 63,509,850 pesos.