Viral karon ang GIN post nga litrato ni Donnie Nietes nga naGa suksok sang uniform sang food PANDA.
Madamo gilayon sa mga netizen ang natingala kun ngaa nangin isa ka delivery rider ang Negrense nga anay World longest reigning boxing champion.
Bisan si Nietes nalingaw man sa mga reaksyon sang mga netizen.
Pero suno sa iya natabuan lang nga naga trail ride siya upod sa pila pa ka mga motorcycle riders sa Cebu kag napensaran niya nga magsuksok sang uniform sang delivery rider para kalingawan lang.
May pila sa ila nag order gilayon sa iya.
Pero indi pagkaon ang ila order kundi jab, uppercut kag hook, mga signature moves sa ring sang kilala kag ginapabugal nga boksider nga tumandok sang banwa sang Murcia.
Sa karon padayon ang training ni Nietes samtang masako sa iya negosyo sa hauling kag construction services.
Matapos mapierde sa iya ulihi nga hampang SANG Hulyo, nagapamensar na gid man nga magretiro si Nietes para mag focus sa negosyo pati na ang mag endorse sang produkto.
Nangin 4 division world boxing champion si Neites gani saludo sa iya ang mga fans kag mga netizen.