300 ka mga body cameras nga napamakal sang siudad ginaplano i-uli ukon pailisan sang Bacolod Traffic and Transportation Management Department.
May 300 ka mga body cameras nga napamakal ang Bacolod LGU nga gintalana para gamiton sang katapo sang BTTMD.
Pero asta karon wala ini napagamit bangud magluwas nga wala sang kakulang sang memory card tubtob lang sa isa ka oras ang battery capacity sang mga body camera units.
Gani plano ni BTTMD OIC Patrick Lacson nga i-uli kun indi gani pailisan ang mga body cameras bangud wala ini naga-santo sa tinutuyo nga mangin transparent ang mga traffic personnel paagi sa mga body cameras.
Gin-ako ni Lacson nga may kapaslawan siya nga mausisa sang matul-id ang specifications sang napili nga units.
Natalana siya nga magpadala sang reklamo sa supplier sang body camera units.