Apat ka mga ginapatihan kinawatan nga motorsiklo na-rekober sa boarding house nga ginagamit drug den sa Barangay Singcang-Airport sa Bacolod.
Upod sa katapo sang Barangay Council kag mga pulis, ginsulong nanday Punong Barangay Caesar Distrito ang isa ka boarding house sa Purok Bulubitoon makaligad sang mga reklamo nga ginahimo ini drug den ukon plastaran sang mga pangayaw nga persona.
Ginsiling ni Distrito nga sa amo nga lugar nagluntad ang shooting incident sang nagligad nga inadlaw.
Natigayon nila nga na rekober ang apat tanan ka mga na-chop chop nga motorsiklo nga ginapatihan gin-carnap.
Yara sa barangay hall ang mga motorsiklo nga sarang ma-claim sang tag-iya. Napulo tanan ka mga persona nga pangayaw ang ginpalayas na sang barangay. Ginmando man sang kapitan ang pag inventory sang mga pangayaw nalakip na diri mga boarders agud mapabaskog ang kampanya kontra kriminalidad sa komunidad.