Matapos mag viral ang video sang iya pag kastigo sang isa ka guwardiya sa isa ka subdivision sa Paranaque, nag issue sang public apology kahapon si Negros Oriental ABC president, Board Member Kurt Matthew Teves.
Ginpasa pasahan sa social media sang weekend ang video kun sa diin nangakig siya sa gwardiya bangud wala siya ginpasulod sa subdivision kay man wala sang sticker ang iya salakyan.
Ini ang nagtulod kay Teves nga sumbagon kag sipaon ang gwardiya.
Gin pahayag ni Teves nga bisan ano man ang natabo nga pag sabtanay, wala nagakadapat nga iya ginkastigo ang guwardiya gani siya ang nagpangayo sang pasaylo sa iya nahimo.
Matapos ang public apology, ginpahayag man ni Teves nga siya ang maga buya sa pwesto bilang board member sang probinsya.
Si Teves ang anak sang kongresista kag house deputy speaker nga si Arnie Teves.