Liwat naman naga gwa ang ngalan ni Board Member Anton Occeno para sa 2025 congressional race sa 5th District.
Sa interview sang Digicast Negros kay Board Member Occeno iya gin siling nga ang iya partido – Partido Federal ng Pilipinas kun sa diin siya ang naga serbe bilang Provincial Chair, ang naga endorse sa iya bilang congressman sa piniliay sa 2025 sa kinto distrito.
Independent candidate si Congressman Dino Yulo nga ginapaabot maga pa re-elect.
Pero sa karon, para kay Board Member Occeno, ang re-election ang naga pabilin niya nga option.
Sa Lunes naka schedule suno sa iya sa Bacolod ang mass oathtaking sang mga bag-o nga miembro sang PFP sa bilog nga Negros Island Region.
Mga gobernador sang tatlo ka probinsya ang gina paabot kasubong man ang mga alkalde nga kaalyado.
Si South Cotabato Governor Reynaldo Tamayo, Jr., ang presidente sang partido suno kay Occeno ang magapamuno sang oathtaking.
Masinunulundon man siya sa partido suno sa iya.
Iya pagalantawon kun ano ka kusog sang ila mangin positioning pagkatapos sang oathtaking kag mahatagan konsiderasyon ang pagduso sa iya sang PFP para sa congressional race sa 2025.
“Kita masinulundon man ta sa partido. Kun daw kinahanglanon gid tun-an ta. Anyway sa Monday may mass oathtaking ang partido sa L Fisher. Ang mga national secretariat sang PFP maabot. Part naman na siya sang consolidation sa kun sin-o maghugpong, mag-intra kag magsulod sa partido. Then we will see how strong ang aton positioning”, suno kay Occeno.
Samtang, tubtob nga wala sang pat-od nga statement gikan sa mga Arroyo, suno kay Occeno, indi madula ang option nga mahimo magpapili sa kinto distrito bilang congresswoman si Dina Arroyo-Tantoco.